【 山鞋都有Zero版 Altra Zero Drop】
宜家咩嘢都有Zero Version
就連山鞋都有Zero 版
「山界Zero版」就要當然要介紹吓啦
美國牌子Altra 佢還原「自然人體跑步工學」
(赤足跑步嘅感覺)
「Zero Drop」零落差究竟係咩東東!?
講嘅係Heel-to-Toe drop of 0
即係咩? 前掌厚度與後跟厚度相同
但相信有唔少人覺得著完Zero Drop
阿基里斯腱會有啲攰同酸痛 (圖2)
相信有山友都有同感
熊貓要同zero drop平反
平反一:小腿特別攰?(圖3)
平時我哋嘅阿基里斯腱係好少用到嘅
一係上斜 一係赤腳行嘅時候
因為前掌落地 先用到果組筋腱
平時我哋著嘅鞋行路係腳踭落地先
所以冇乜機會用到
而Altra設計令你用多咗阿基里斯腱
訓練多咗咪會酸痛 係好事嚟嘅~
平反二:會唔會太「闊」(圖3)
相信各位都係外貌協會成員
見到Altra鞋頭咁闊 即耍手兼擰頭
咁嘅設計當然有佢嘅原因
首先就係要了解自己隻腳複雜嘅肌肉
都係用嚟控制腳趾 跑步得穩陣啲
(圖4)
鞋頭太窄 腳趾受壓
唔係個個都係灰姑娘著到玻璃鞋
腳趾沙甸魚咁擠埋一堆
穩定重心梗係發揮唔到 好易令腳趾關節變形
Altra鞋頭寬身加強重心穩定性
跑步效果自然有提升之餘 仲可以保護對腳
講咗咁耐
都係想大家多個選擇啫
行山跑山 最緊要對腳舒服
搵啱一對山鞋就好似搵到自己終身幸褔
0 comments